Espresso Alchemy (美麗華廣場1期)

营业中

休息中

今日學完YOGA , 朋友岩岩收工，即興一齊食TEA (但其實係我既LUNCH )。約左係美麗華等，食完野可以行下街。見到呢張相好吸引，就行左去搵呢間野食。入到去好似去左個穩世地方咁，靜靜的但忙住出面好忙既商場同人流，感覺都幾特別。 餐牌野食選擇唔係太多，但飲品選擇勁多，岩晒每日鍾意飲唔同野既人。 仲有中式茶，都幾特別。叫左個黑松露磨菇意粉同牛油果多士，想飲朱古力但賣晒，所以就轉飲MACHA LATTE. 黑松露意粉好香，磨菇好滑身好厚好CREAMY。牛油果多士好驚喜，勁大片多士，好脆身，牛油果係混左烚蛋同蕃茄，又fresh 又唔會太膩。MACHA LATTE 抹茶味好濃奶好滑，雖然叫細杯但感覺都好大杯 ，呢間既飲品真係好吸引。