( 仲咁啱撞見王敏德坐隔離枱添
)。新店坐落銅鑼灣時代廣場附近嘅耀華街，唔難搵。店內唔大，可容納大概20客人，裝修簡單，半開放式廚房，但亦唔會太大油煙。
由於見隔離枱碟飯個樣普普通通(飯面就咁舖上幾塊和牛)，所以就揀咗原味和牛漢堡($88)同燒汁和牛漢堡($9x)試試
。漢堡賣相唔錯，麵包夠新鮮香口，配上生菜，蕃茄，洋蔥及免治和牛，肉質鬆軟，肉味濃，冇根，且味道唔會過咸，真係唔錯！:)稍嫌洋蔥切得麻麻，一抽藕斷絲連咁，一咬就拖哂跌哂出唻，好難一口一口食，食得有啲狼狽。另外，燒汁和牛漢堡較油，好在店員好細心，預先比定漢堡袋，未至於食到成枱都係
。伴碟配上薯條切得好好好幼身，所以寧卸脆口，且唔會過咸，份量好足，差唔多食哂成碟。
試埋甜品Tiramisu東京卷旦蛋糕(共有綠茶，南瓜紅豆及Tiramisu三種)，$32一件，但size偏細件，蛋糕質地超鬆軟，內卷有忌廉，唔會太甜，好味，但完全冇Tiramisu或朱古力味，唔明點解叫做Tiramisu味
？飲品試咗店內Highly recommend嘅日本珈啡($24)，但一如普遍日本咖啡，質哋較薄(稀)，但味道尚可。
整體食物質素中規中矩，純粹A5和牛食材夠真材實料，以咁嘅價錢唻講 (坊間一般西式店咁嘅size嘅普通漢堡都係咁上下價錢)，絕對一試無妨:) 。
