咁就OK啦去食啦，都唔知食咩
跟住入到去就見到個環境好昏暗啦
而且啲枱枱凳等到好似好污糟
感覺上嗰啲嘢都好殘殘舊舊痴痴立立
.
咁就算啦，因為朋友都有目的咁咪照食
跟住嗌咗個王牌嘅牛油酥皮鵝肝
同埋一個肉醬焗薯千層麵
.
OK咁跟湯我哋嗌咗一個紅湯個白湯啦
咁白湯上面仲加咗酥皮變成酥皮湯
咁嚟左個餐包
咁佢上面呢唔係用普通嘅牛油啦
佢用劣質嘅油啦所以食落去好有臭油嘅味道啦
🤢🤢🤢🤢🤢🤢
已經不是太搞得掂啦，跟住都唔想再食個包到一啖
.
好啦，跟住湯嚟咗啦，我哋嘅白湯酥皮湯
飲落去淡而無味黐咗線😂😂🤣
跟住我哋喪加胡椒粉
然後佢酥皮就係平時印度薄餅嗰塊酥皮極唔好食，而且佢冇金黃色佢係少少變色都冇…
.
跟住我同友人講，下次帶你去飲IKEA嘅酥皮湯😂
好飲好多囉！
然後紅湯就正正常常普通唔似紅湯嘅紅湯，但係至少唔會奇怪
.
主食到了
個牛柳都有少少嘅牛味嘅
不過就偏向硬身
通常好食嘅牛柳或者更加好嘅牛柳應該係
會入口即溶嘅感覺，佢就係冇做到
鵝肝就好鬼死細塊
酥皮又係搞唔掂，酥皮湯嘅酥皮一模一樣😂🙂
唔知點解仲可以稱之呢個餐為王牌
.
跟住到千層麵黐咗線😂
我冇諗過原來千層麵同薯蓉係分開👍🏻👍🏻
成兜嘢好似食緊薯蓉再加千層麵
而佢千層麵….
其實你知唔知咩係千層麵？
佢千層麵係得兩層，而且佢面係勁少
.
大家可以睇到圖片好似一個圓形咁樣
薯蓉就係外圍嘅部份
然後千層麵只係中間一個拳頭少少嘅部份
所以其實成兜嘢我都係食緊薯蓉
我俾咗一個唔知幾貴嘅價錢喺度食薯蓉
跟住我完全覺得自己係大水魚🐟🐟🐟🐟🐟
.
跟住打咗咁多字飲品同甜品都唔係特別想講就係好普通
叫左杯珍珠奶茶
佢嘅珍珠係好硬身咬唔開嗰隻？
