時光逆流 (已結業)

再訪依間位於中環嘅酒吧餐廳❤️ 裡面裝修依舊別具特色，採用大量耐人尋味嘅飾品畫作，文青風中帶一絲玩味，好有自己風格🌟 不得不提大大幅富士山彩繪牆真係好壯麗，打卡必影😚 下午茶時段來訪，當然㨂咗超抵食嘅combo set😚 一口價包小食甜品連飲品，勁滿足🫶 小食㨂咗日式經典大阪燒😋 超級大個份量十足👍 內裡採用多款野蔬，食落清新爽口，唔會太飽太膩❤️ 加埋頂上嘅大大塊煙肉一齊食🤩 真係超惹味勁滿足❣️ 甜品總共叫咗兩款😘 今期嘅時光逆流招牌蛋糕係Carrot Cake❤️ 食落軟綿鬆化，甜甜地又富紅蘿蔔嘅甘香，幾唔錯👍 另一件係法式抹茶撻❤️ 撻皮酥脆香口，內餡綠茶慕絲軟滑細膩，醇香甘美，唔會太甜或太苦，沈穩有深度之選🌟 飲品㨂咗Mocktail✅ 個名好靚叫花落❤️ 外觀平平但細睇可以見到漸層嘅色澤變化，都幾靚🥴 飲落有櫻花同埋荔枝嘅香甜滋味，春日氣息滿滿嘅飲料🌸