鮮肉餃子：皮薄，餡靚，韭菜味同香菜(芫茜)好重，鮮蝦韭黃同樣唔錯，幾款都好好食！
酒醉糖心蛋、香滷糖心蛋：蛋黃流心入味，口感一流，超好味。
手撕雞：肉質嫩滑，搭埋其他青瓜絲、甘荀絲，增加左爽脆口感。
蒜泥白肉：味道香，肉質唔油膩，清新又好食。
麻香雞粉皮：粉皮好滑，麻味夠，令人想再食多幾口。
花雕雞翼：酒香滲哂入雞翼裡面，肉質軟滑，呢個忍唔住黎多份例牌雞亦再加豬手，豬手唔油膩勁爽，鐘意花雕既一定要點。
涼拌海蜇、醬牛𦟌：清爽開胃，夏天食最啱。
特濃豆漿好滑，豆味濃郁，配埋小食真係完美。
店面唔算大，但整潔舒適，加上有格玻璃房，見到店員包餃子，氛圍唔錯，即包即煮，新鮮就係好味。員工有禮貌，反應快，唔需要等太耐，服務態度都幾好。值得推介！
