米線陣 (翡翠明珠廣場)

营业中

休息中

今日同老公上朋友位於銅鑼灣的屋企前有少少肚餓所以就去咗<米線陣>買外賣下午茶。其實明珠廣場裏面一大個舖位都係佢哋集團既，之後再將個大鋪位再細分唔同名稱嘅食肆。 下午茶選擇都幾多，而且都係30幾40蚊左右有交易，價錢唔算貴。最後我選擇咗I餐<鮮炸豬扒炸蔬菜盒米線 >，但落單時個職員同我講冇曬炸蔬菜盒，問我介唔介意轉木耳，果下我不知幾開心，其實我鍾意食木耳多個炸嘢。炸豬排係半煎炸嘅方式，所以食落唔算好熱氣，而且味道都唔錯，有豬肉味唔會淡茂茂的，肉質亦算不錯有口感，唔會畀鬆肉粉<嗱>到淋曬。而湯底我就叫咗少辣嘅麻辣湯底，就咁睇好似有哋淡色，但其實都幾夠味而且辣度亦ok，平時喺<阿哥米線>食開十小辣嘅我都應付到。配埋加3蚊轉嘅薯粉一起吃都不錯，薯粉嘅分量，係正常下午茶分量唔會特別太多， 成個餐連埋外賣加1蚊就$44仲有杯熱飲，銅鑼灣嚟講算幾抵食。