台北倆伴

营业中

休息中

放工後有野做，見有D時間去圍方揾食，睇左幾間，價錢都小貴，比較適合一班人聚餐share。走左一轉見到呢間價錢ok就入去食下。入去時候已經5點56分，捻住可能無得食下午茶餐，點知經理好好人比我點埋。叫左花雕雞卷配麻辣撈麵本身跟餐仲配紫菜貢丸湯+地瓜酥+一杯飲品，我叫左台式奶茶主食上得好快，5分鐘到就已經到左，但係飲品等左15分鐘都未到🫣，同店員催催就到左，不過唔知係咪唔記得幫我較返微甜，成杯奶茶對我黎講太甜講返主食，花雕雞卷酒味足，雞肉調味剛好，麻辣撈麵比我想像中辣，但係食落過癮，本身麵煮的剛好，軟硬適中。地瓜酥一般，紫菜貢丸湯有D太鹹，調味怪怪的，食曬湯入面D紫菜同貢丸就放棄左。整體黎講，店員親切服務好，食物ok，係配菜可以再好D，下次會想試下小火鍋。 以圍方商場餐廳價位黎講可以一試。