德興茶餐廳

之前食過沙田、粉嶺同屯門分店，今日又經過上水呢間食下午茶。其實呢個商場都唔近火車站，都係去開惠康或者實惠先會過嚟，但叫做全程有遮蔭，唔會好熱同太曬。

呢日五點幾嚟到都好多人，等咗陣搵到位都要搭檯坐，叫咗個腸蛋麵同西多士，原本想叫腸仔，但俾咗芝士腸我，但又出奇地夾，公仔麵就正常啦，無咩特別，都煮得ok嘅。西多士就煎得唔錯，好有茶餐廳味道，入面係搽花生醬，都算正宗。另外奶茶都幾好飲，杯華田都好夠濃，so far都唔錯。

腸蛋麵

西多士

兩個餐加埋都係七十有找，今時今日嚟講都算係抵。另外走嗰陣轉埋餐牌，晚餐啲炒粉麵其實都好抵，之前外賣過椒鹽豬扒，真係好好食😋啖啖肉，份量多，早餐就試過沙嗲牛肉，真係難食，一定唔會再試

椒鹽豬扒

1