Green Orange

今日上環lunch，同事介紹左呢間喺永樂街嘅西餐，離上環地鐵站都幾近，而且環境都唔錯，有窗口位，採光幾好。款式方面，Lunch set都有好多唔同選擇，今次揀左一個千層麵、一個Risotto。意式香辣肉醬素菜千層麵雖然係素菜，但係都相當香口！每層都夾左濃郁茄醬同芝士，入面有好豐富嘅蔬菜配料，加埋頂層極邪惡嘅芝士，勁好食！煙燻鳳尾蝦配椰香南瓜黃薑意大利飯呢個risotto幾好食，意大利飯煮得好爽口，加埋南瓜粒、雜菌同creamy嘅南瓜汁相當香！4隻鳳尾蝦都好彈牙，用料唔錯。Lunch set仲包餐湯、沙律、餐包同餐茶，都幾抵食，下次會再去！