Green Orange

同事介紹上環有間西餐廳，環境氣氛同食物質素都唔錯，今日特登同朋友過嚟幫襯一下，睇下係咪真係咁掂，餐廳氣氛幾好，情侶拍拖食飯，或者朋友聚會聊天都頗適合，睇餐牌都好多選擇，今晚呢頓晚餐，我同朋友都選咗白酒嚟搭配，下單後，餐廳好快就送上餐包、橄欖油同醋，餐包軟熟，沙律裡面嘅Ham質素非常唔錯，沙律菜新鮮爽脆， 搭配麵包粒同沙律醬，調味剛剛好，個湯較杰身，口感creamy，味道不會過鹹，意粉份量足料，蝦很大隻，口感彈牙爽脆，意粉軟硬適中，汁醬很惹味，份量亦剛剛好。牛扒嘅質素好高，師傅烹調得十分出色，雖然厚切，但口感滑嫰，肉質軟嫰有肉味，搭配阿根廷青醬，別有一番風味，最後嘅甜品我哋揀咗菠蘿雪葩同蜜桃雪葩，很像真，打卡一流，味道不會太甜，為今晚這頓晚餐畫上一個完美嘅句號。餐廳服務很好， 殷勤有禮，食得很開心。