魚介熊拉麵 － 豚骨湯底配魚介
本來想點佢嘅招牌熊拉麵（豚骨湯底），可惜又唔想太單調，於是決定點魚介熊拉麵。雖然豌用咗紅色去替代原味嘅招牌熊拉麵，但係整體嚟講魚介一啲都唔特出，甚至可以話同普通豚骨湯底相差不遠。不過佢嘅秘製溏心蛋係相對上出色，好彈口同埋入味，反而得一塊叉燒就令人有少少失望，食肉獸可能會唔夠喉！
黑熊拉麵 － 豚骨湯配黑蒜油
而黑熊拉麵反而係熊拉麵餐牌上比較吸引嘅一款，黑蒜味相對濃厚，而且加入香味油嘅湯底令人每一口都會想一飲再飲。微辣嘅秘製醬亦都點綴咗整個湯底！不過美中不足嘅係普通黑熊拉麵係無溏心蛋附送嘅，如果大食嘅朋友建議點「超級黑熊拉麵」，雖然價錢稍貴但份量係雙倍以上！
味道 ⭐️⭐️⭐️
服務 ⭐️⭐️⭐️
環境 ⭐️⭐️⭐️
性價比 ⭐️⭐️⭐️
