懶人包

呢日喺中環返工，lunch time順路走去上環，偶然發現咗呢間藏身於蘇杭街、主打「懶人包」概念嘅新開港式手製漢堡店。店主好有熱誠，笑住同我解釋：「我哋想將一道菜濃縮成一個包。」一句說話就道出初心——用心、創意，兼且方便食得過癮。


🐖🍔 Vietnamese Style Pork Neck Burger
豬頸肉撈檬漢堡包
東南亞風味同港式手藝擦出火花！豬頸肉外層微焦、內裡彈牙 juicy，加上東南亞香料帶微辣，香氣撲鼻。食落去由酥香麵包開始，到輕辣香濃肉味同酸甜撈檬風味。呢個fusion漢堡夠大膽又平衡，完美詮釋咩叫「懶人包」——一包食晒成個餐。


🐂🍔Deluxe Black Truffle Scallop Beef Burger
黑松露帶子牛肉漢堡包
呢個就真係有啲奢華感！香煎帶子鮮甜彈牙，牛肉厚實香濃，黑松露醬香氣四溢，三者互相襯托。咬落松露氣息瀰漫口腔，真係有「食西餐」嘅高級格調。港式手法演繹高級味道，質感滿分。


🍗 HK-Style Deep-Fried Chicken Drumstick
生炸雞髀
雞髀由上環外賣返中環仍然保持到熱度，香氣撲鼻。雞皮炸得香脆乾爽、肉質嫩滑 juicy、鹹香得宜。無需繁複調味、只靠火候同心機，就係呢隻優質生炸雞髀嘅靈魂。


🥔Hashbrown 薯餅
現炸嘅薯餅外層金黃酥脆、內裏軟糯濕潤，入口帶店主自家獨有調味，提升薯餅嘅甘香。配漢堡一齊食夠晒滿足！


今次有幸試到呢間漢堡店兩款隱藏菜單嘅漢堡包 … 用「懶人包」演繹港式創意——將東南亞、西式、高級元素揉合成新鮮體驗；每一個包都食得出誠意。