湯底濃郁厚身，微辣帶椰絲香味，個人覺得不錯。有三粒細魚蛋，魚片切細條約六七條，兩樣口感都算爽彈；兩隻蝦對半開邊，味道普通；兩粒豆卜對半開邊，有豆味，索湯汁一流；半隻烚雞蛋正常；仲有通菜、紫洋蔥、炸乾蔥。麵底係米線，份量足，有𡁻口。另外附上參峇醬及青檸仔，隨個人喜好添加。
T2 檳城蝦麵（$66）
蝦湯底帶辣（都算頗辣，食到流哂汗），味道可以。有五片豬腩肉，偏肥；兩隻蝦對半開邊，味道普通；兩粒豆卜對半開邊，有豆味；半隻烚雞蛋正常；仲有通菜、青蔥、紫洋蔥、炸乾蔥。麵底係摻摻，油麵偏腍，米粉正常。
凍桔仔話梅水
鹹鹹甜甜，十分開胃。粒話梅仲甜甜哋。
凍香茅青檸荔枝梳打
酸酸甜甜，十分清爽，中和濃味嘅喇沙最啱。
整體嚟講，下午茶算抵食兼好味，兩款湯麵味道都不錯，另外特色凍飲又唔使加錢，但可惜要收加一服務費。
2
