也好吧！又多一間店子幫襯！
由於，為慶祝爸爸生日及預祝退休，爸爸媽咪一起去大陸旅行！
既然沒有媽咪準備早餐給我，只好自己出去食！:)
恰巧！昨天早上去信德中心，打算到 3樓吉野家買早餐！一上扶手電梯，即見到 <奇華餅家> 已開張，門前還放滿花籃！
於是走去幫襯！
新開張期間，一連 7天有 8折優惠！對食客來說真是大喜！
供應：麵包、唐餅、嫁女餅...等。
1
我聽到男店員落力 sell：「有大有細，有平有貴！送禮自用，大方得體！」 都幾夾韻，很有趣呢！
一走入店子，見到有老婆餅試食，當然不容錯過啦！
我問店員阿姐，可否給我影張相？她十分合作，把所有老婆餅排列好！
並行開讓我拍張最佳相片！
據店員稱，全港只有 3 間供應熱辣辣老婆餅，分別是上環信德中心、中環擺花街、機場分店！遊客買來做手信，有香港本土特色的美食，送禮的確是不錯的選擇！
老婆餅 (店內試食)
在爐上弄熱的老婆餅，入口溫熱！
外層酥皮鬆化，冬瓜蓉清甜，其甜度是剛剛好！:)
可是，不能只買一件新鮮老婆餅，
可買一件獨立包裝的老婆餅，然後叮熱來食！
店員阿姐強調，店方為講求衛生，紙盒經消毒！
不可只賣一件新鮮老婆餅！
如果要買新鮮老婆餅，便要最少買一盒 8件 $80！
順帶一提，無密封包裝的麵包，店員會給予一個膠袋，並把無密封包裝的麵包放進膠袋；其他已密封包裝的食物，店員不會放進膠袋，讓食客自行放入去！
丹麥吐司 $10 (8折價 $8)
一層一層的千層質感，質感鬆軟，牛油飄香！一大個作為早餐都幾飽肚！
芝士吐司 $9 (8折價 $7.2)
美心集團旗下的 Paper Stone 也有供應類似口味的吐司，定價 $20 左右，價錢較貴！:(
芝士吐司一包有 5塊，一打開包裝袋，芝味撲鼻！
帶有鹹香，芝士味薄弱，鬆軟度稍遜！:( 以廉價取勝！
綠茶卷蛋 $8.5 (8折價 $6.8)
打開包裝袋，散發輕微的香氣，質感綿密，輕帶綠茶香，綠茶味薄弱，:( 甜度剛好！忌廉偏少，鬆軟度稍遜，相對一小件有相當的重量，份量十足！
黑芝麻糯米糍 $16.5 (8折價 $13.2)
一盒 4粒，糯米糍表面鋪滿椰絲，食起來糯米糍柔軟有彈性中增添咬感，
黑芝麻味道濃厚卻不甜膩！:)略嫌糯米糍皮厚一點，相對地黑芝麻不算多，不過不失！
新鮮食品的關係，只有1~2天食用期！
