上海婆婆336 (iSQUARE國際廣場)

营业中

休息中

上海婆婆336開在iSQUARE國際廣場嘅6樓，餐廳闊落好坐，環境裝修得雅緻，中午食飯都幾多人，菜式選擇都好多，仲提供老火湯同甜品。婆婆擔擔麵可以揀辣味程度，我揀咗走辣，所以湯底充滿擔擔麵麻醬花生味，湯汁晤算多，但非常濃郁，麵條熟度正好，Q彈掛汁，份量很足夠。松子魚松子魚上面鋪滿甜甜酸酸嘅醬汁和菠蘿粒賣相好靚，亦十分足量，惹黎周圍目光，魚皮炸得好脆,，肉質扎實口感嫩滑,入口酸酸甜甜非常開胃， 配合松子仁、毛豆，菠蘿粒，口感層次豐富。沙參玉竹螺頭湯好岩秋冬飲，清濕熱又清補，非常有營養。綠茶芋泥餅一碟三件，綠茶色好吸引，咬落有綿密芋泥，甜度適中，幾好味。