上海婆婆336 (iSQUARE國際廣場)

营业中

休息中

二訪尖沙咀依間「上海婆婆336」試下佢哋其他嘅招牌菜式先得，今次都食得好滿足，前菜、小食、湯品、主食、甜品都嚐盡一翻。*此餐廳收取加一服務費。上海炒年糕（單點$88），少鹽少油，好足料，包括有香菇、肉絲、小棠菜，年糕口感煙韌，食落充滿醬油味道，味道鹹香。雞絲拌粉皮（單點78），表面鋪滿麻醬，雞絲食落啖啖肉，青瓜份量多，粉皮口感爽滑，容易掛汁。酸辣湯雲吞（單點$68），雲吞皮薄餡多，內有豬肉、木耳，酸辣湯好足料，內有豬肉絲、冬菇、木耳、竹筍、豆腐、雞蛋，口感濃稠，味道酸辣。蔥油餅（單點$28），口感酥脆，內有豬肉碎、紅蘿蔔絲、香蔥，食落好香口。高力豆沙（單點$58），表面鋪滿糖粉，口感鬆軟，食落帶有蛋香，豆沙口感起沙，味道香甜，略嫌份量比較少。綠茶芋泥餅（單點$30），表面鋪有芝麻，綠茶餅口感香脆，味道濃香，內有芋泥，味道清甜。茗茶（兩人$12），茶味清香。