三餐冰室

营业中

休息中

一個易記又簡單易明既名字"三餐", 咁啱過黎尖沙咀做野但又未夠時間, 先解決三餐既其中一餐, 就揀咗新開既三餐冰室。餐廳裝修有霓虹燈嘅招牌, 門口有一排舊式信箱, 牆上更有附近尖沙咀嘅街名路牌, 裝修都幾特色。 剛剛過咗午餐繁忙時間, 啱哂我唔鍾意多人又趕時間。兩點後就有下午茶餐, 常餐同羅宋湯通粉都想食, 最後我揀咗午餐肉粒羅宋湯通粉。 羅宋湯做得幾好, 材料夠份量, 而且做到羅宋湯獨有既少少辣, 夠惹味。 午餐肉份量都夠多, 而且係有豬肉夾喺中間既午餐肉。凍檸茶都唔錯, 茶底夠濃, 檸檬唔會澀。