元気寿司

仲有幾日, 三月份優惠券到期, 還是去多一趟吧 !

兩個人, 單是小朋友只叫泡芙及炸蝦卷已經各幾碟, 食極都唔厭。

泡芙 : 一碟三件,比之前細件好多, 迴轉上取的忌廉無即叫即做的好味, 試了一碟還是再即叫即做好味得多。
炸蝦卷: 真係夠熱, 賣相吸引, 飯不太疏, size 無變 。
蟹柳壽司: 唔錯, 夠鮮甜。
鰻魚壽司: 好耐未食過, 熱熱地真係正 !配以蘸汁, 超正 !
炸軟殼蟹 :意外驚喜, 大隻好多, 夠熱, 好惹味 !
三文魚刺身: 鮮甜, 賣相好 !