三多卒之開到嚟元朗喇，之前喺大埔一直想試，不過唔係未夠六點就係因為已經食飽咗。開張嘅頭一個禮拜經過都有成廿幾人迫喺間舖既裏裏外外等雞髀，我睬佢都戇dog ，而家開咗幾個禮拜喇，嗰陣班新屎坑排隊L走哂喇，得番三幾個客，我知道今日，係機會喇小志強。
1
1
頭幾個禮拜都見到啲元朗人話同大埔嗰間簡直兩回事，不過今日食完之後覺得元朗呢間都幾好丫，之前睇人啲相以為佢個炸漿好厚，但係其實原來好薄好脆，嗰塊皮脆到好似薯片咁，被薯片包裹住嘅雞肉異常咁嫩滑，不過近骨嗰啲位就好似痴痴地肉，不過針又邊有兩頭利架，我寧願享受嫩滑既雞肉喇。
試過元朗舖之後，令我更加想試大埔舖，想睇吓係咪真係能夠再好食到兩回事丫嘛。另外奇怪喺大埔嗰邊嗰間分店叫三多多，咁點解喺元朗呢邊開分店唔跟住三多多多多落去呢？
