影片
更多
2025-01-25
376 浏览
有一日老婆大人話俾我叫雞真係嚇到個心都離一離！原來佢係話同我去食雞比我叫，我啲思想真係有啲壞囉哈哈哈！我哋呢晚要去就係呢間JIKKA！個門口好colorful行過一定唔會走漏眼。餐廳入面唔大但同門口一樣係色彩繽紛型仔又舒服。餐牌都用咗呢個好精神嘅橙色等我睇吓有啲咩正雞叫先。嘢飲我就揀咗呢杯甘筍蘋果果汁！見住佢新鮮榨出嚟一滴水都冇加，飲落去有甘筍嘅香又有蘋果嘅甜好飲喎。呢度嘅西餐湯好特別全部用新鮮材料打出嚟唔會加忌廉所以特別健康，呢個湯用牛骨嚟熬加埋勁多嘅洋蔥好香甜飲得好舒服。呢個粟米湯睇得到幾咁濃郁！將粟米粒打到爛晒再加雞湯嚟煮，香甜又有口感仲飽肚感十足最好同人兩份飲。超甜番薯薯條好似黃金條咁好掁眼！炸得幾香脆同埋唔會油淋淋，入面仲好淋好甜添用日本番薯果然零舍不同。梨子醬果大蝦沙律份量好大我哋四個人食都夠分！沙律菜好爽脆新鮮到不得了，配咗啲爽口又甜嘅大蝦加埋啲梨一齊食好正斗。炸嘢我哋都嗌咗唔少呢個黃金甲係魔鬼中嘅魔鬼，雞皮去晒啲脂肪後炸到好似薯片咁香脆，食到雞油嘅香味但又唔會有油膩嘅感覺正到痹呀。呢個係老婆大人指定要食嘅魔鬼之柱！其實係雞皮包住午餐肉炸香，呢個小食真係膽固醇萬歲一人食半
我哋呢晚要去就係呢間JIKKA！個門口好colorful行過一定唔會走漏眼。
餐廳入面唔大但同門口一樣係色彩繽紛型仔又舒服。
餐牌都用咗呢個好精神嘅橙色等我睇吓有啲咩正雞叫先。
嘢飲我就揀咗呢杯甘筍蘋果果汁！見住佢新鮮榨出嚟一滴水都冇加，飲落去有甘筍嘅香又有蘋果嘅甜好飲喎。
呢度嘅西餐湯好特別全部用新鮮材料打出嚟唔會加忌廉所以特別健康，呢個湯用牛骨嚟熬加埋勁多嘅洋蔥好香甜飲得好舒服。
呢個粟米湯睇得到幾咁濃郁！將粟米粒打到爛晒再加雞湯嚟煮，香甜又有口感仲飽肚感十足最好同人兩份飲。
超甜番薯薯條好似黃金條咁好掁眼！炸得幾香脆同埋唔會油淋淋，入面仲好淋好甜添用日本番薯果然零舍不同。
梨子醬果大蝦沙律份量好大我哋四個人食都夠分！沙律菜好爽脆新鮮到不得了，配咗啲爽口又甜嘅大蝦加埋啲梨一齊食好正斗。
炸嘢我哋都嗌咗唔少呢個黃金甲係魔鬼中嘅魔鬼，雞皮去晒啲脂肪後炸到好似薯片咁香脆，食到雞油嘅香味但又唔會有油膩嘅感覺正到痹呀。
呢個係老婆大人指定要食嘅魔鬼之柱！其實係雞皮包住午餐肉炸香，呢個小食真係膽固醇萬歲一人食半條就好喇。
手作蟹餅都好足料口感好乾爽食到入面有唔少蟹肉，鮮香一齊夾攻鍾意食蟹嘅要試呢個。
厚切牛舌熟度啱啱好口感夠鮮嫩，淋得嚟仲好有咬口香得嚟又唔會羶質素好唔錯。
食咗咁多煎炸嘢係時候整啲海鮮嘆吓！呢個蒜蓉牛油煎刺身級帶子配咗個好清新嘅青醬，食落去夠軟滑除咗鮮味仲多咗一朕香草味幾特別喎。
相信大家都會食過蝦杯！呢個大蝦咯爹用咗泰國大虎蝦嚟整，食落去彈牙到不得了加埋夠新鮮食得好爽，佢個Cocktail汁都好正酸酸地少少辣好惹味。
朋友鍾意食青口所以就叫咗個蒜蓉白酒青口俾佢嘆！咪睇啲青口細細粒其實隻隻都肥嘟嘟仲好重海水味添，佢最好嘅朋友就係白酒再加埋蒜蓉香口度又提升咗。
白味噌香焗茄子香香甜甜嘅味道都幾吸引，面頭一粒粒嗰啲係崧子連埋佢一齊食有咬口得嚟仲特別香添。
燒雞我哋就揀咗銅鑼灣先有得食嘅茜霸王香茅青檸燒雞，肥嘟嘟嘅雞燒得好金黃，切開之後入面嘅肉汁係咁標出嚟睇到我流哂口水。
好幸福呀老婆大人分咗隻雞髀過我嘆！一咬落去食到雞皮好香入面嘅雞肉嫩滑到不得之了，雖然有好多芫荽但係唔會有青味仲有好香嘅青檸同香茅味，食落去香得嚟好清新真係好好味正啊。
张贴
