之後我哋搬走左 又加上covid 就大約三四年無食過 。 從佢哋IG 見到佢哋應該撐得幾辛苦，好擔心佢哋會撐唔住。
終於都專登返大坑一轉，再一次幫襯。
我想講，係香港好嘅日本餐廳好多。但好似八寸咁做到壽司，燒物，揚物，炸串，酒肴都岀色嘅，我數唔到10間。 當然八寸就係之一 。
開始講食物。
平鯥刺身
好新鮮，加咗我估係萬能蔥再點個秘制汁好好食！
12貫壽司盛
有帆立貝，油甘魚，赤身，三文魚子，海膽，蝦。 好新鮮好好味，手勢亦好好，只係$480好抵食
串揚，燒物
雖然未到專門食店水準但到絕對係中上。
揚物
海鰻tempura, 好脆，海鰻亦都鮮嫩，入面好似加左舊mochi ，口感好特別
卷物
蟹盛set， 有蟹肉軍艦，蟹膏軍艦，軟殼蟹卷，份量十足，好食
飲品
Chi-hi, whiskey, 梅酒， 特別講一講個梅酒係大名鼎鼎岀妙花闌曲，箕輪門嘅大七酒造嘅梅酒。係市面唔常見，記得要試吓
當人人都北上消費嘅時候，呢啲有心做嘅小店好需要大家支持！
1
1
