一直都是支持小店 ，亦喜歡食牛腩。
食物方面 ，好既牛腩店比佢好食既實在好多，未輪到佢 ，性價比亦低 ，兼野食真係麻麻咯！
而最失敗係服務，完全冇對客人有最基本尊重 （特別係果位年長既女店員）。首先 ，當時我地中午兩點幾 ，點餐時 ，幾樣野都冇 ，但又唔講咩冇 ，都算喇。 我地兩個人點咗兩碗麵 ，菜（有沙 ，洗唔乾淨），飲品（凍） 等等。 跟著，我地想要杯一杯熱水 ，但店員一口拒絕 。 我話想要熱水飲藥 ，但個後生女用左好耐時間問年長既女店員， 最後亦堅持唔俾，話只可以點凍既礦泉水 或其他冷凍飲品，係咁多，亦冇唔好意思，就行開。 最奇怪係 ，佢地好理直氣壯 ，完全唔覺有問題，連唔好意思都唔覺。。。
兩個人食麵埋單差不多二百蚊 ，連俾杯水都咁難 ，都好耐都未試過。
今時今日 ，咁多人北上消費 ，其中一個原因就是呢啲咁差 兼不自覺有問題既服務質素，可悲
以上食记乃用户个人意见 , 并不代表OpenRice之观点。
4
mouse05100
唔好意思，我哋真係冇熱水供應，唔通真係俾啲洗碗熱水你或者特登開個鑊用個鑊嚟煲熱水俾你飲，菜有沙從來冇客人投訴過，如果你真係想飲洗碗熱水可以再過嚟，香港依家啲租咁貴做飲食已經辛苦，為咗杯熱水要喺自11-4-2019 join OpenRice以來出唯一一篇千字文真係好對唔住。（本小店將會持續改善照顧有特別癖好的客人）
LLeona
你地老闆真係好有福 ，自己唔反省 反而俾咁冇品既回應 ，真係第一見！ 唔緊要 ，租係你俾 。但香港服務既臭名就係多得你地喇！
awyden
明明係你地問題都咁臭串真係世界級，唔識洗菜好心都學下點搞pr
mouse05100
請問關洗菜乜事？
勁亮
今日經過見到已經接埋，應該老闆唔會問點解
用餐途径
堂食
