大門拉麵 (屯門市廣場1期)

营业中

休息中

過年食咗幾日好heavy嘅中餐，想食啲不一樣嘅嘢。原先想試「東京築地」，一聽見話要收加二，轉頭即走。(全日本無一間拉麵舖會收服務費，連呢樣都唔跟味道好極有限，唔駛試。正如香港食雲吞麵魚蛋粉會收加一嗎？）轉移陣地，見呢間嘢次次經過都超多人排隊，今日竟然得兩三個人排，又話係日本某拉麵店嘅分支。點咗碗黑蒜油拉麵，另外一隻味蛋。有日本麵店backup，唔等於好食。奉客清水唔係大冰水，已知中伏。味道果然不外如是。味蛋，七仔玉子飯團嗰隻好吃十倍。黑蒜油拉麵無黑蒜味，但有厚厚一層油；件鳴門卷完全唔彈牙，粉嘅；一大堆筍，無味嘅；蔥，完全無半點蔥味，唯一嘅味就係鹹。致命傷係唔熱，溫吞吞超難食。😑總結：一試投降，唔試無妨。