影片
更多
2018-09-02
571 浏览
呢間一直係我既「To Try List」，但由於營業時間係8am-6pm，平日真係試唔到，好遺憾！直到今個星期日比較得閒，又約左個文青朋友仔，於是就帶佢黎試一試！係西營盤站出左之黎，要行斜路，唔好講笑！條長命斜真係差D攞我命，不過一到達門口，就覺得好值得！小店個氣氛好正！係我最愛既簡約裝修，傢俬佈置以木色為主，成個色彩好柔和好舒服，大大加分！我同朋友點左Mocha、 Matcha Latte、Hoijicha Cheese Cake， Earl Grey Lemon cake。佢既蛋糕係Vegan friendly既，岩曬！市面上其實好少純素既蛋糕，長沙灣有一間（舊鋪係荃灣），我有試過，食物係唔錯，但服務態度真係麻麻，活受罪！至於呢間，我大推！老闆絕對係暖男hahaha，我諗10個有8個係熱客，幾乎個個都會同佢打招呼同傾計，好溫馨；見到生口面孔老闆會問要唔要推介，或者飲開咩口味。味道方面，Hoijicha Cheese Cake真係不！得！了！好好食，好重培茶味，完全唔過甜，少少回甘，好正！Earl Grey Lemon cake都岩我口味，估唔到Earl Grey 同Lemon會咁夾
係西營盤站出左之黎，要行斜路，唔好講笑！條長命斜真係差D攞我命，不過一到達門口，就覺得好值得！小店個氣氛好正！係我最愛既簡約裝修，傢俬佈置以木色為主，成個色彩好柔和好舒服，大大加分！
我同朋友點左Mocha、 Matcha Latte、Hoijicha Cheese Cake， Earl Grey Lemon cake。佢既蛋糕係Vegan friendly既，岩曬！市面上其實好少純素既蛋糕，長沙灣有一間（舊鋪係荃灣），我有試過，食物係唔錯，但服務態度真係麻麻，活受罪！至於呢間，我大推！老闆絕對係暖男hahaha，我諗10個有8個係熱客，幾乎個個都會同佢打招呼同傾計，好溫馨；見到生口面孔老闆會問要唔要推介，或者飲開咩口味。
味道方面，Hoijicha Cheese Cake真係不！得！了！好好食，好重培茶味，完全唔過甜，少少回甘，好正！Earl Grey Lemon cake都岩我口味，估唔到Earl Grey 同Lemon會咁夾！本身都驚檸檬會唔會搶左Earl Grey個茶味，點知冇，有點兒似係食菠籮點鹽水既感覺，互相加左分，檸檬既清新加強左Earl Grey個香。
野飲方面，每杯會附一塊餅仔。Matcha Latte水準中上，唔甜，未到好濃，唔太會回甘，但香流順口。Mocha我冇試，朋友話佢喜歡。
總結係，一定有下次！！
张贴
