Green Orange

同老公揀左間有歐陸風嘅餐廳，柔和燈光下享受晚餐。DELUXE DINNER SET可選紅酒、白酒、香檳。我喜歡飲香檳，感覺飲落順喉。二人套餐可以享用一蚊一隻生蠔優惠，每人最多5隻，咁抵食點會唔叫，生蠔新鮮有淡淡嘅海水味。黑松露蟹肉多士脆脆多士細細件好精緻，黑松露冇搶走蟹肉鮮甜味。青蘋果伴巴馬火煺沙律青爽青蘋果加入咸香巴馬火腿，令沙律倍感開胃。海鮮湯味道濃郁，口感順滑帶鮮味。燒大蝦羽衣甘藍香草醬意大利麵燒香嘅大蝦已開邊，體貼女士們食得優雅一點，香草醬嘅意大利麵，又香又滑。摩洛哥燉羊膝燉羊膝香濃又入味，肉質非常之腍，配搭蔬菜合宜，不覺油膩。焙茶焦糖燉蛋，質感滑嘟嘟帶出焙茶香亦不太甜。心太軟伴呍呢嗱雪糕，心太軟香濃配滑滑雪糕好正。畫碟畫得好有水準，我老公好鐘意。