影片
更多
2021-10-24
1205 浏览
星期日，本想陪老人家同小朋友一齊享受天倫之樂。但係食到一肚氣。首先講講服務態度先。叫侍應攞BB櫈，攞到過嚟嗰位小姐「掟」張BB櫈落地。一句說話都冇就走咗。明白係重嘅，但咁晦氣嘅服務態度係咪來這間酒樓就要接受？今晚叫咗龍蝦套餐：1）燒味拼盤：叉燒睇到已經好乾，石頭咁硬，整體成碟拼盤都好鹹。2）荷蘭豆花枝炒牛柳粒：牛柳粒偏老。荷蘭豆有根。3）冬菇上湯白菜：冬菇完全冇味。連小朋友平時一定食嘅冬菇都唔想食。4）清蒸沙巴龍躉仔：條蒸魚睇落去已經灰灰地。食落應該係雪魚。5）（最期待的）芝士焗龍蝦伊麵底：明明加咗$50，由上湯龍蝦伊麵轉芝士龍蝦伊麵。龍蝦嚟到冇伊麵底，叫佢攞返去再煮過。幾分鐘後攞返同一碟龍蝦跟住另外加碟上湯伊麵。我哋問佢「平時係咪都係咁樣分開上俾客人？」，佢話係。我哋再問「平時係咪伊麵放喺底」，佢又話係。之後我哋叫佢返去重新整過，服務員態度都極為勉強唔想換。6）紅棗糕甜品：唯一正常的。食物質素真心唔可以接受。埋單時，搵咗經理來反映。佢問「明白你哋嘅不滿，請問點樣可以滿足你哋呢？嘢食你哋已經享用咗。」其實若果經理唔講我哋「享用」左美食，都冇咁嬲。或者佢提出免加1，都會可以接受的，但佢話
首先講講服務態度先。叫侍應攞BB櫈，攞到過嚟嗰位小姐「掟」張BB櫈落地。一句說話都冇就走咗。明白係重嘅，但咁晦氣嘅服務態度係咪來這間酒樓就要接受？
今晚叫咗龍蝦套餐：
1）燒味拼盤：叉燒睇到已經好乾，石頭咁硬，整體成碟拼盤都好鹹。
2）荷蘭豆花枝炒牛柳粒：牛柳粒偏老。荷蘭豆有根。
3）冬菇上湯白菜：冬菇完全冇味。連小朋友平時一定食嘅冬菇都唔想食。
4）清蒸沙巴龍躉仔：條蒸魚睇落去已經灰灰地。食落應該係雪魚。
5）（最期待的）芝士焗龍蝦伊麵底：明明加咗$50，由上湯龍蝦伊麵轉芝士龍蝦伊麵。龍蝦嚟到冇伊麵底，叫佢攞返去再煮過。幾分鐘後攞返同一碟龍蝦跟住另外加碟上湯伊麵。我哋問佢「平時係咪都係咁樣分開上俾客人？」，佢話係。我哋再問「平時係咪伊麵放喺底」，佢又話係。之後我哋叫佢返去重新整過，服務員態度都極為勉強唔想換。
6）紅棗糕甜品：唯一正常的。
食物質素真心唔可以接受。埋單時，搵咗經理來反映。佢問「明白你哋嘅不滿，請問點樣可以滿足你哋呢？嘢食你哋已經享用咗。」其實若果經理唔講我哋「享用」左美食，都冇咁嬲。或者佢提出免加1，都會可以接受的，但佢話「我哋最多可以送糖水」，真係好冇誠意。
其實我哋只係想反映食物質素真係好差。講真，佢送糖水我都唔會可以令我滿意。
絕對唔會再返嚟「享用」佢哋嘅晚餐。
完。
张贴