一笑爐端燒

营业中

休息中

呢間店主打日泰菜,老闆話收booking客為主。聽聞呢間店既主廚大有來頭,食落果然名不虛傳。見到呢間店既擺盤就覺得好似去左omasake咁,每隻碟都好精緻,同道菜好夾。而燒物既煮法樣樣都唔同,好有新意。牛油燒蟶子洗到好乾淨,冇沙石,汁有泰式既風味。特大魷魚一夜干真係對得住佢個名,老闆話前一晚用清酒浸過魷魚再吹乾佢,所以食到清酒既味道。牛油燒鮑魚串有2粒,岩2人share,有木魚花乾,好香好好食。昆布汁燒特大元員既煮法特別,仲有粒粒魚子,配搭幾好。北寄貝好彈耳,mix埋汁食,一流。花甲粉可選想幾spicy,花甲好大粒,個汁就a bit spicy,會食上癮,果然係招牌。西班牙鹽燒膏蟹勁多膏,同埋未食過西班牙蟹,好有新鮮感,好新鮮好meaty.ig打卡所以老闆送左一串翠玉瓜比我地,我自己就叫左白粟米,清甜無渣。老闆會為我地介紹每道菜,服務真心唔錯。