魚兵衛

营业中

休息中

家姐突然上來食飯，屋企人想食壽司，屋企最近既壽司店係爭鮮之後就係一田內既漁兵衞。 嗰度有好多款，除左壽司外，仲有唔同既刺身，赤蝦，長腳蟹，連原條丁香魚同鱸魚刺身都有。咁多選擇，左揀右揀就揀左一盒十六件，一盒十件。 十六件嗰盒最吸引既係海膽嗰件，又唔腥喎，軟綿綿咁，正！另外三文魚腩簡直係厚切， 帶子就唔係好好肉地，偏細。魷魚都幾爽口，仲有媽媽最鍾意既粒粒三文魚籽，脆卜卜。十件嗰盒就有大件既鰻魚壽司同熟三文魚較為吸引。大部份既魚都幾新鮮同夠份量，壽司飯都幾夠結實，唔太大醋味。依家天氣咁熱，唔好唔記得俾完錢問佢拎冰冰雪住壽司唔驚變壞。