影片
更多
2013-11-23
6080 浏览
第一次來Café Marco食dinner buffet, 星期日至四要成HKD478位加一架…因為有朋友係呢度既會員, 話有旬嘢益街坊, 米約齊腳去擦餐勁囉! 我地6:30pm準時到達餐廳, 人多既關係, 慘被安排分開一大一細枱坐。 餐廳空間感大, 以白色為主調既裝潢, 顯得格外乾淨俐落! 見到細小既人龍, buffet閞始左喇…行一圏睇真d先, 都几多嘢食喎…刺身及壽司: 三文魚、吞拿魚、熟蝦、赤貝等無喱味道, 似雪藏左好耐甘喎, 得甜蝦比較鮮甜咋。熱葷: 咖喱雞、羊、豬等, 唔太辣, 肉質比較韌。白切雞肉几嫩滑。清蒸魚, 魚肉有點老。德國腸啖啖肉。沙嗲豬串燒就口感硬左d。燒豬仔肉排, 肉質有d乾爭爭。片皮鴨, 皮同肉片得恰到好處，鴨肉唔油膩, 加上青瓜、京葸、甜醬後再包上薄餅皮食用, very yummy! 薄餅皮夠薄但數量太少, 亦無refill, 簡直嘥哂d鴨。牛扒, 肉質實淨有嚼頭。海鮮: 生蠔比較細隻, 入口好鹹。凍青口、蟶子、蜆及翡翠螺毫無鮮味。長腳蟹,鮮味十足。蘇格蘭蟹鉗, 肉質爽滑。熟龍蝦及凍龍蝦, 龍蝦肉比較鞋口。甜品: 最好食係粟子蛋糕, d粟子茸好幼滑。 芒果
因為有朋友係呢度既會員, 話有旬嘢益街坊, 米約齊腳去擦餐勁囉! 我地6:30pm準時到達餐廳, 人多既關係, 慘被安排分開一大一細枱坐。 餐廳空間感大, 以白色為主調既裝潢, 顯得格外乾淨俐落! 見到細小既人龍, buffet閞始左喇…行一圏睇真d先, 都几多嘢食喎…
刺身及壽司: 三文魚、吞拿魚、熟蝦、赤貝等無喱味道, 似雪藏左好耐甘喎, 得甜蝦比較鮮甜咋。
熱葷: 咖喱雞、羊、豬等, 唔太辣, 肉質比較韌。白切雞肉几嫩滑。清蒸魚, 魚肉有點老。德國腸啖啖肉。沙嗲豬串燒就口感硬左d。燒豬仔肉排, 肉質有d乾爭爭。片皮鴨, 皮同肉片得恰到好處，鴨肉唔油膩, 加上青瓜、京葸、甜醬後再包上薄餅皮食用, very yummy! 薄餅皮夠薄但數量太少, 亦無refill, 簡直嘥哂d鴨。牛扒, 肉質實淨有嚼頭。
海鮮: 生蠔比較細隻, 入口好鹹。凍青口、蟶子、蜆及翡翠螺毫無鮮味。長腳蟹,
鮮味十足。蘇格蘭蟹鉗, 肉質爽滑。熟龍蝦及凍龍蝦, 龍蝦肉比較鞋口。
甜品: 最好食係粟子蛋糕, d粟子茸好幼滑。 芒果卷實左少少。 朱古力蛋糕, 有濃郁
既朱古力。 芒果慕絲及芝士蛋糕既味道較淡。 最難頂係綠茶蛋糕, 綠茶味太濃, 質
感又散又濕。 聽講馬卡龍係好嘢來, 滿心期待, 點知第一次食, 發覺甜得滯, 個餅有
d似雞蛋仔但硬硬的又唔鬆脆, 雞蛋仔仲好食呢! 嗜甜既我, 唔信邪, 再來一件有咖
啡夾心既馬卡龍, 感覺上好些少, 但都真係唔多啱我食囉! 雪糕係大牌子既
Movenpick, 每次只可以取三球。
生果: 得兩款太少了, 西瓜一d都唔甜, 好彩有火龍果, 夠鮮甜。
餐飲: 包一杯餐茶, 我地每人另外加左HKD48, 可以任點任飲啤洒、果汁、汽水及一
般既餐茶。 後尾餐廳又為每位客人贈送一杯潤喉熱飲, 早知唔加錢喇!
餐廳既服務都唔錯, 侍應生們好nice, 收碟又快, 還會為客人既手袋或隨身物品扣上
防盜安全扣呢! 可惜食物質素麻麻, 一次夠了!
张贴
