名人館

营业中

休息中

屋企人住觀塘，話附近有間好出名嘅潮州菜餐廳，開係酒店入邊仲攞過米芝蓮一星，睇落都幾岩一家人食飯。竹炭豆腐賣相好特別，出邊用咗黑色嘅炸粉，入邊豆腐都滑咁，食完先知冇影相，可以一試架。陳醋豬手香濃花生味，又唔會太重口，做開胃小菜適合而家嘅天氣。金絲煎蠔餅炸得金黃酥脆，見到個厚度都feel到足料，好過唔少大排檔啦豉油王鵝腸爽口，滷水汁都撈埋食飯，個底嘅芽菜幾適合送飯韭菜鵝紅煲足料，我好少食鵝紅，但係呢個真係唔錯，都幾香。雖然唔係啲排隊名店，但係都幾適合一間食飯，我阿媽都好鍾意潮州菜，香港可以做到呢個水準亦都好唔錯。