盈暉海鮮酒家 (已結業)

老人家早上試過嚟盈暉飲早荼, 對食物和價錢都讚不絕口, 所以今晚一家人來試吓光顧晚飯. 食物的買相與味道質數一流, 叫了即叫即燒的燒乳豬, 雖然要等半個鐘, 但上枱時的撲鼻香味和那入口鬆化的外皮, 真的值得等待. 游水海鮮也很新鮮味美, 石班兩味和蒸帶子極速被我們掃光. 本來想食澳洲龍蝦, 但當晚無貨, 又唔想食波士頓龍蝦, 所以改吃了芝士焗大蝦伊麵, 味道只屬ok, 唔知係咪心裡將佢同焗龍蝦伊麵比較. 光顧晚飯更送味美的燒鵝, 雖然係送的, 但絕不欺場, 質素比某些酒樓要比錢的更好食!這裡價錢一D都唔貴, 而且環境闊落坐得舒服清靜, 待應又很有禮貌, 值得再試.