📍上環鴨巴甸街29號地舖
🟡POWER SMASH 焦脆漢堡 $88
🟡CHICKEN SMASH 焦脆雞堡 $78
🟡FISH STICKS 金黄炸魚條 $45
🟡ONION RINGS 喪脆洋蔥圈 $45
🟡BERRY COOLER $58
🟡KIWI DREAM $58
今日去上環Power Burger食漢堡！叫咗焦脆漢堡和焦脆雞堡，我同朋友去完美國同澳洲返嚟覺得呢間餐廳嘅漢堡包真係好有外國嘅味道，超有回憶！
焦脆漢堡有兩片頂級安格斯牛肉餅，加上奶酪、酸瓜、洋蔥、有機蔬菜和自製醬料，好鍾意佢哋用嘅菜，好夾又特別。見到可以升級，多啲肉，但真心驚自己食唔落就無升級了🤣
焦脆雞堡有兩片天然雞肉餅，同樣配上奶酪、洋蔥、有機蔬菜和自製醬料，口感鮮嫩多汁。好驚喜唔係炸雞，個雞做得好好！必須要講個自製醬料係好有特色又好出色，令成個包昇華咗！無誇張。朋友話可以之後成日過嚟再食！
之後叫咗兩個小食，金黃炸魚條和喪脆洋蔥圈都好食！金黃炸魚條外酥內嫩，喪脆洋蔥圈真係好喪脆haha，正！最後，見到burger店有得叫Mocktail咁正！就叫了2杯。
Berry Cooler用椰子水、奶油和莓果冰沙製成，好似奶昔，朋友超鍾意，甜甜地又好清新，又有濃郁的莓果香味。Kiwi Dream用奇異果泥、柚子、柑橘和蘇打水調製而成，如果覺得食漢堡包會好滯嘅話叫伊杯真係啱晒！酸甜開胃，我勁鍾意呢杯！之後有機會真係會再黎食！
