泰國人海南雞 (杏花新城)

由於最近都成日食海南雞飯，所以都想睇吓唔同地方嘅海南雞飯有啲乜嘢唔同嘅質素，所以今日就黎到泰國人海南雞飯。
其實如果個名叫得泰國人海南雞飯的話，海南雞無返咁上下質素都真係🤨🤨🤨

職員服務同埋環境衛生都一般，但係上菜時間非常之快，落單之後唔需要3分鐘已經食得。

海南雞飯下午茶餐

$55

叫咗一個海南雞飯，雞肉嘅份量唔算太多，但係返嘅份量都幾多。雞肉質感其實都幾滑，但係就冇乜雞味，其中一個海南雞飯好重要嘅元素，一定係啲油飯，不過呢個質感有少少似粥多過飯。其實都真係有少少失望。

冬陰功海鮮湯麵

$52

同行朋友叫咗冬陰功海鮮湯麵，嚴格來講好似剩係得魷魚係海鮮，其他都係菇同瘦肉。
整體來講呢一個冬陰功嘅味道只係醒。