金水堂

早幾日去開荔枝角上堂 就上去長沙灣廣場食個飯
上到3樓都見好多餐廳 見金水堂呢間當時冇乜人，價錢都唔太貴。

一個海南雞套餐加埋野飲都係72蚊 晚餐黎講算係可以接受 所以就入去試下。 點知食落都有驚喜。

2

成個套餐分左三個部分雞飯，前菜，同個湯
青瓜細細粒幾入味，酸酸地飯前食小小幾開胃。
個雞就好滑，入面仲有d骨膠原啫喱幾有誠意。
油飯個油味唔太重，飯軟硬都算可以。
湯個色唔太深但飲落就幾有味。唔錯

以70幾蚊一個晚餐黎講算係可以接受，如果大家都經過呢頭推薦大家黎試下。