巷仔見麵館 (將軍澳廣場)

营业中

休息中

星期日約街坊食個tea， 街坊建議食呢間巷仔見，話佢啲正餐好食過甜品。門口望入去，見有好幾張吉枱。咁搞掂安心同量體溫，諗住行入少少等，負責帶位既服務員皺哂眉頭咁叫我地等等。咁我地等佢帶完另一張枱，到我地果時，居然叫我地唔好塞住個門口。嘩~ 當堂好想走，好彩坐低之後佢冇再serve我地。 觀察到其餘3位服務員服務都正正常常。 帶位果位可能係老闆啦？唔想接客咪唔好開門囉。Fine, 講番食物：街坊朋友叫既沙爹牛肉米 - 佢話麻麻地 我就叫左下午茶雞扒包 - 新鮮炸起 其實幾脆幾好食雖然呢個包真係幾回味，但我唔會再去呢間餐廳嫁啦！街坊朋友話食過佢啲糖水唔好食。希望呢個食評幫到大家。