成都冒菜

营业中

休息中

俗語話「冒菜是一個人的火鍋，火鍋是一群人的冒菜」⋯呢日，就嚟試呢個一個人嘅火鍋啦！我哋2個人叫咗A餐(任選六款，當中包括主食)同細酸菜魚，再加2罐汽水。當時舖頭都幾旺場，但眼見舖面只有2個人，人手不足，真係要俾d耐性等等⋯首先到嘅係我個A餐，我揀咗紅薯寬粉，加上魚皮餃、冬瓜片、豬大腸、黑豚肉同雞翼，配上麻辣湯底(小辣&BB麻)。一嚟到，嘩！香味撲鼻，聞到已經流晒口水！首先試一啖湯，麻辣鮮香，味道濃厚，配埋紅薯粉，真係好味又惹味！雖然越食越辣，但辣得過癮，正！而另一碗酸菜魚就配上米線(BB辣&BB麻)，由於我唔係好鍾意食魚嘅關係，我只係試咗啖湯，啖湯都唔錯，亦夠酸味⋯但係酸菜魚冇酸菜，我覺得就爭少少，因為酸菜係最好食嘅😝總括嚟講，都算唔錯，但鋪面人手不足，大家真係要俾啲耐性。