牛魔一人燒肉

营业中

休息中

一個人都可以去食燒肉，邊度有多款一人燒肉套餐。我同朋友就試咗佢哋嘅兩款套餐：牛舌&牛五花&牛板腱套餐同日本A4和牛西冷&牛小排套餐。每一款套餐都附送沙律、味增湯同飯，仲有唔同嘅醬料選擇，食得好滿足。牛舌&牛五花&牛板腱套餐：牛舌肉質嫩滑，煎完香脆。牛五花肥瘦均勻。牛板腱肉質結實，咬落去有嚼勁，配上特製嘅醬料，味道好好。呢個套餐可以自選醬汁，揀了有蘋果燒汁、柚子胡椒汁同檸檬鹽。每款醬料都好惹味，蘋果燒汁甜甜酸酸，柚子胡椒汁帶住一絲辣味，檸檬鹽則清新，配搭牛肉真係好正。另一款套餐係日本A4和牛西冷同牛小排，呢兩款牛肉質素唔錯，食落去好滿足。日本A4和牛西冷肉質細膩，肉汁豐富，入口即溶。牛小排肉質嫩滑，牛味香濃。呢個套餐揀了黑松露燒汁、黑椒鹽醬同蘋果燒汁。黑松露燒汁好香，黑椒鹽醬帶住一絲辣味，蘋果燒汁則甜甜酸酸，配搭和牛同牛小排真係幾夾。