影片
更多
2023-11-23
38 浏览
朋友推介荃灣廣場嗰間「燒肉801」，話食物水準唔錯，而且價格夠親民，今日有事要嚟荃灣辦，晏晝就趁機過去試下。我哋兩點鐘到，唔使排隊等位便可以直接入座。餐廳裝潢以鮮紅色為主調，店內設有大量四人檯和二人檯，環境闊落，加上抽風系統良好，入座後完全唔覺有油煙味。餐廳採 QR Code 自助形式落單，餐牌選項好豐富，淨係燒肉套餐都有成 11 款，最平由 $88 起，而午市時段更免費送日本米飯同味噌湯，性價比極高。我哋一人揀咗一個餐，另外再加咗 2 客杏仁豆腐做甜品。801盛 ($198)：呢個套餐包咗3款肉，有大判燒黑毛和牛肩胛肉、腹前牛小排同蔥鹽味雞腿肉。塊和牛肩胛肉勁吸睛，比臉蛋還要大，鋪喺爐面輕輕一燒，再點少少滑溜嘅溫泉蛋漿就食得，入口軟腍富油香。牛小排肉質軟嫩，油脂分佈平均，加上廚師已預先調味，入口甜甜地，好惹味！雞腿肉肉質很嫩滑，同鹽蔥醬料好夾，入口更帶陣陣雞油香。至於呢客 809黑豚盛 ($98) 就包括有黑毛豚無骨小排、日本熟成豚香腸同厚切煙腩肉。豚小排肥瘦相隔，肉味濃郁，入口油而不膩；香腸皮脆肉嫩、煙腩味帶咸香，輕燒後，煙熏香味四溢。午市時段套餐包日本米飯同味噌湯，唔需要額外加
朋友推介荃灣廣場嗰間「燒肉801」，話食物水準唔錯，而且價格夠親民，今日有事要嚟荃灣辦，晏晝就趁機過去試下。
我哋兩點鐘到，唔使排隊等位便可以直接入座。
餐廳裝潢以鮮紅色為主調，店內設有大量四人檯和二人檯，環境闊落，加上抽風系統良好，入座後完全唔覺有油煙味。
餐廳採 QR Code 自助形式落單，餐牌選項好豐富，淨係燒肉套餐都有成 11 款，最平由 $88 起，而午市時段更免費送日本米飯同味噌湯，性價比極高。
我哋一人揀咗一個餐，另外再加咗 2 客杏仁豆腐做甜品。
801盛 ($198)：呢個套餐包咗3款肉，有大判燒黑毛和牛肩胛肉、腹前牛小排同蔥鹽味雞腿肉。塊和牛肩胛肉勁吸睛，比臉蛋還要大，鋪喺爐面輕輕一燒，再點少少滑溜嘅溫泉蛋漿就食得，入口軟腍富油香。
牛小排肉質軟嫩，油脂分佈平均，加上廚師已預先調味，入口甜甜地，好惹味！雞腿肉肉質很嫩滑，同鹽蔥醬料好夾，入口更帶陣陣雞油香。
至於呢客 809黑豚盛 ($98) 就包括有黑毛豚無骨小排、日本熟成豚香腸同厚切煙腩肉。豚小排肥瘦相隔，肉味濃郁，入口油而不膩；香腸皮脆肉嫩、煙腩味帶咸香，輕燒後，煙熏香味四溢。
午市時段套餐包日本米飯同味噌湯，唔需要額外加錢，非常抵食。
杏仁豆腐 ($28@) 綿密奶滑，面頭以杞子作點綴，賣相味道俱佳。
张贴
