大叔拉麵

营业中

休息中

近日，受內地小紅書影響，唔知點解「喺麥當勞道拎著麥當勞」🍟打卡都會爆紅😅！於是乎阿叔都要有樣學樣，抽水嚟次「阿叔去食大叔拉麵」先。🤭🤭🤭 呢間拉麵店🍜位於荔枝角一潮流商場入邊，有別於其他拉麵店，呢度裝修玩味十足，周圍都有好多玩具擺設😌。除此之外，佢哋更以台灣插畫師自家設計嘅江大叔Chubby Ojisan為主題，無論店內、店外，你都會搵到呢位大叔嘅蹤影，非常卡娃伊呢😍！今次阿叔都係俾佢吸引，而心思思嚟潮聖。😝😝😝 🦀松葉蟹可樂餅 ($40)可樂餅即叫即整，熱辣辣，而且外皮酥脆，內餡就包滿口感creamy嘅薯蓉🥔同蟹肉🦀。食晒2大塊，會相當飽肚，建議加啲檸檬汁一齊食，味道會更清新。😋😋😋 🍜松葉蟹湯拉麵 ($158)店內期間限定嘅拉麵！咩都唔食，先嚟一啖湯先，味道夠濃郁，但又唔會太鹹，飲到啖啖海鮮蟹味🦀，值得一讚👍🏽。配料方面，除咗2大塊美國黑豚肉🐖外，仲有2隻炸櫻花蝦松葉蟹🦀鉗，前者肉質軟腍，後者鮮味彈牙，整體絕對值得一食。🤤🤤🤤 🍵凍白桃烏龍 ($20)相對汽水🥤、啤酒🍺，如果食得飽飽地，阿叔建議你試吓飲呢支佢哋自家製嘅白桃烏龍茶，冷泡茶味道夠清甜，既幫你解口渴，又可消滯，一舉兩得。