. 今次去銅鑼灣希雲街嘅「旭」🥢呢間舖頭門面低調但內藏乾坤，主打Omakase同鐵板燒，食材全部日本直送🇯🇵每一道菜都係味蕾嘅極致享受💥
.
【🐟刺身部分】 1️⃣ 左口魚捲海膽 左口魚薄到透光嘅魚身包住澎湃嘅海膽，咬落去先感受到左口魚嘅爽彈💫海膽即時爆發濃郁奶香，鮮甜得嚟帶微微海水味，兩者交融簡直係天堂級享受！
2️⃣ 赤貝刺身 赤貝處理得超乾淨，肉質脆卜卜，咀嚼時湧出清甜汁液，加少少柚子汁提鮮，清新感瞬間升級！
3️⃣ 鰆魚刺身 季節限定嘅鰆魚油香溫和，魚肉柔軟得嚟有彈性～
【🍣壽司部分】 4️⃣ 金目鯛壽司 醋飯捏得鬆緊適中～魚肉鮮甜細膩，帶有適中油脂✨口感滑順，風味悠長。
5️⃣ 昆布鯖魚壽司 鯖魚經昆布醃漬後去腥提鮮，肉質緊實帶漬物嘅鹹香🌊
6️⃣ 馬糞海膽壽司 海膽多到瀉晒出嚟！北海道馬糞海膽口感creamy ，味道濃郁鮮甜，有如奶油般入口即化，幸福感滿分💯
7️⃣ 拖羅壽司 大拖羅油脂分布靚到發光✨入口即化嘅魚油香充滿口腔，筋位處理得乾淨，加少少山葵平衡膩感，完美！
【🔥鐵板燒部分】 8️⃣ 沙巴虎蝦・蝦膏脆脆醬 虎蝦巨型到有成手掌長！鐵板煎到蝦殼香脆，蝦肉爽彈鮮甜🦐重點係個濃蝦膏醬，鹹香超邪惡～
9️⃣ 煎馬友魚 魚皮煎到金黃脆如薯片🐟魚肉嫩滑多汁，簡單調味已經鮮味十足，啖啖肉超滿足！
🔟 日本哈夷鮑魚 鮑魚大大隻超新鮮！鐵板鎖住肉汁，口感柔滑且富彈性，味道鮮美，帶有獨特的海味，結合鹹味與奶油般甜味🌟
1️⃣1️⃣ 香煎匈牙利鵝肝 厚切鵝肝外層焦脆內裡爆漿，油香豐腴但唔膩，下面墊住多士，旁邊仲有生果片，解膩一流～
1️⃣2️⃣ 美國安格斯薄燒 牛肉捲住炸蒜同香蔥🥩，肉質柔嫩juicy，蒜香同牛油香雙重夾擊，仲有微微焦邊增添口感，邪惡度滿分！
1️⃣3️⃣ 鐵板牛肉炒飯 炒飯鑊氣十足🍚牛肉粒夠嫩，飯粒分明唔油膩，仲有蛋香同蔥花加持，最後淋上秘製醬汁，同埋超靚嘅煎太陽蛋！忍唔住清晒成碗！
1️⃣4️⃣ 蝦頭膏麵豉湯
湯底用蝦頭熬到金黃色🦐，麵豉鹹度剛剛好，飲到濃郁蝦膏香，仲有豆腐同海帶，暖胃又鮮甜🍲
1️⃣5️⃣ 鐵板炒椰菜 椰菜炒得爽脆唔出水🥬簡單但超級惹味，食完大魚大肉清一清腸胃啱晒！
1️⃣6️⃣ 抹茶奶凍・日本提子・雪糕 抹茶奶凍茶香濃郁唔死甜。質地滑溜🍵日本提子爆汁清甜🍇雪糕香濃綿密🍨完美作結！
總結🌟
師傅手勢純熟，環境私隱度高，食材質素對得住價錢，絕對會再encore！
.
📍旭 地址：銅鑼灣希雲街38號地下2號舖 .
#銅鑼灣美食 #高質鐵板燒 #隱世壽司 #食在香港 🇭🇰🍣
