呢間Spade by Lassana係開放式嘅，都有好多座位～
客人可以先選擇座位，然後到櫃面揀食物。
買完之後就有一個號碼俾你擺喺枱面，然後職員就會根據號碼將食物送到你枱上面。
呢度嘅食物種類唔太多，但貴精不貴多，門口既甜品的確好吸引！！！
我哋最後揀左Afternoon Tea Set＄99！
底層有蛋沙律牛角包、迷你菠蘿酥、吞拿魚三文治
原來佢地有自家工場，麵包蛋糕每日新鮮運到！
我就最鍾意個蛋沙律牛角包！牛角包新鮮酥軟，牛油味濃。
中層有兩款雪糕，包括綠茶雪糕同埋草莓雪糕～ 超好味！我覺得比名牌雪糕更好味！
仲有兩件好好食嘅檸檬味忌廉蛋糕添！
頂層就有好濃郁嘅朱古力Mousse蛋糕同埋Tiramisu!
估唔到呢個細細地嘅商場都有咁高質素嘅蛋糕!!! (絕對唔係係西餅店嗰啲呀！)
另外我哋做叫左兩杯凍朱古力（加餐轉配每杯＄12）~
依家餐廳好似專做咖啡既～咖啡選擇好多，其他選擇就較少。
朱古力嘅質素尚可接受啦！
兩個人食一個Tea set都50-60%飽架~
之後再食飯都仲得！
總結： 佢哋嘅甜品真係做得好出色！甜品係自家製嘅～雪糕同埋蛋糕都每日新鮮運到，淨係呢點都攞滿分啊！
