雲呢拿豆焦糖燉蛋 🍮
表面焦糖燒得又脆又甜🥰，夾埋下面嘅滑嫩燉蛋，口感一脆一滑，完美結合咗細滑嘅蛋漿同埋雲呢拿豆 , 然後佢啲燉蛋嘅蛋味同埋雲呢拿味都好香😆，加埋焦糖碎嘅味道,真係完美融合。拍得住酒店級別甜品嘅出品🥰🥰 !
鮮草莓牛奶布丁🍮 🍓
布甸鋪上超級多鮮草莓🍓🍓 , 配合自家製甜而不膩嘅士多啤梨糖漿，同下面超級重奶味嘅布甸配合，可以食到每一啖都係濃厚嘅奶味🍼同埋士多啤梨味🍓 , 再加埋佢會有切粒嘅士多啤梨碎 , 口感上再多一個層次 !
芒果黑糯米腸粉 🥭
腸粉外層爽彈，上面表層仲會落非常多嘅芒果糖漿 , 好少食到呢種口感嘅腸粉外皮，然後再下一層就係軟糯嘅黑糯米，再入啲就係新鮮芒果 🥭，一啖食落去個口感真係好特別，再加上佢芒果好甜同埋黑糯米好香糯，可以算係芒果糯米飯嘅一個變奏版。
