🧚🏻♀️~~~~~~~~~~~~~~~~~~~~~~~~🧚🏻♀️
🔸招牌扁皮鴨｜嬤嬤皮｜青瓜絲｜醬料
片皮鴨厚肉油脂少，🦆鴨肉味濃但唔帶羶味，肉質亦唔會乾柴。不過鴨皮略嫌腍身，感覺比以前退步咗😢但勝在cp值高，份量絕對足夠，最後我地甚至淨咗一堆扁皮鴨無嬤嬤皮包😂 （btw嬤嬤皮之間有蒸籠紙隔開👍🏻讚喔！
🔸海皇冬瓜盅
蟹柳｜蝦仁｜瑤柱絲｜火腿茸｜豬肉粒｜草菇
(≧∀≦)ゞ湯底清甜，非常足料。🧊飲落去極為消暑，食到好滿足啊！
🔸黑椒牛柳粒
牛柳粒火候掌握得比較好，😋肉質軟腍，薯仔亦明顯有炸過，外皮帶有少少脆身，🍯加上蜜糖調味，整體表現尚可！
🔸椒鹽豆腐
推薦大家一試！呢個小菜師傅做得相當有水準🤩！外皮炸粉非常香脆，包裹著滑嫩嘅豆腐，口感一流🫦！而且椒鹽份量控制得啱啱好，整體非常香口。🫵🏻推薦！
🔹魚香茄子
店員一鍋魚香茄子咁上台，香噴噴熱辣辣，夠嗮鑊氣🔥！非常惹味！可惜略嫌油咗少少🙈
至於環境及服務方面，富東閣係一間舊式酒樓，所以大家唔好抱太大期望啦～🤪但空間尚算寬敞，店員態度亦唔錯。整體黎講，味道尚可，份量足夠，CP值高！大家不妨一試！
🧚🏻♀️~~~~~~~~~~~~~~~~~~~~~~~~🧚🏻♀️
如果你哋試過富東閣嘅食物，歡迎留言分享喔～ 多謝你哋嘅支持！💕😚
✏️整體評分：3分
💸人均消費：$100~$200
📍地點：富東閣海鮮酒家 (沙田)
沙田瀝源街6號瀝源廣場1樓5號舖
