我哋揀咗120分鐘放題, 人均都係三百幾, 性價比幾唔錯～
湯底我哋揀咗藥膳豬骨同青檸椰奶雞湯, 每人一鍋, 藥膳湯好足料, 飲落好暖胃, 青檸椰奶就幾清新, 唔會太膩, 襯牛肉食幾夾。
重點推介佢哋嘅美國肩胛牛小排🥩, 油脂分布靚, 淥幾秒就食得, 入口軟嫩牛味濃, 我哋encore咗好幾轉！以放題嚟講質素真係有驚喜。
而且熟食越多款, 重點係佢嘅海南名菜:文昌雞, 皮質肉滑, 好有咬感, 仲有多款點心任你食。
重點仲有自在任撈流水蝦同花甲, 全部都好新鮮紥紥跳; 甜品方面仲有多款泰國甜品, 而且仲有多款唔同嘅雪糕雪條任食。
全程服務都幾好, 又會主動加湯, 兩個鐘頭夠晒時間慢慢食, 唔會趕頭趕命。埋單六百幾, 以呢個質素同份量我覺得合理 👍🏼
24
