昨晚和朋友去了位於中環碼頭的一間泰式餐廳，環境超舒服，Outdoor位置可以一邊享受美食，一邊望住維港的夜景，真係好chill！
🍤 泰式大蝦青芒沙律
清新開胃，青芒果酸酸甜甜，配上爽口大蝦，仲有少少辣味，刺激味蕾，係一個好好的開始。
🍟 泰風味炸薯條（冬陰功味）
呢個真係驚喜！薯條炸得香脆，冬陰功味道滲入每一條薯條，酸辣鹹香，食到停唔到口，絕對係下酒一流。
🐖 泰式黃咖喱豬
咖喱香濃唔辣，豬肉炆得好腍，配飯一流。黃咖喱入面仲有薯仔同洋蔥，味道層次豐富。
🍲 SOUP海鮮冬陰功湯
湯底酸辣平衡得好好，海鮮新鮮足料，有蝦、魷魚、青口等，每啖都好滿足。天氣微涼飲一碗真係暖晒個心。
2
1
3
1
💰 價錢合理
以地段同食物質素嚟講，價錢算係合理，唔會覺得唔抵食。
呢度好適合下班後嚟放鬆一下，叫幾款小食配杯飲品，望住海景傾下計，真係一個完美的 Happy Hour 地點！
