Grove

营业中

休息中

【灣仔區】【Grove】呢間嘢聽過好耐，有時經過某啲地方都會見到。而最近我啲學生無啦啦都有攞呢間餐廳做佢哋功課嘅一部份，又令我對呢度生出咗少少好奇心。喺會展站旁邊嘅海港中心見到佢哋好似新開咗間喺度，搵晚就入咗去食吓。果然，啲嘢都幾新淨，應該真係新開。我叫咗 $128 嘅「珍寶全日早餐」，蛋我揀咗太陽蛋，仲有紐倫堡腸、煙肉、烤番茄、烤蘆筍、焗薯角、烤BB甘筍、煙三文魚、牛油果、水耕菜、多士，整體水準唔算好高，正常啦，係嗰半隻牛油果唔錯。可能如果唔係炒蛋冇晒而被逼轉太陽蛋，可能好啲。我另加 $18 要「是日餐湯伴蒜蓉包」個湯係番茄蘑菇湯，唔算濃，一般啦。再加 $10 飲熱「鮮奶抹茶」，杯嘢反而又幾好，順滑易入口，抹茶味都出。埋單 $156，嗰個位置又唔可以話好貴，我考慮嘅點反而係先買後坐嘅方法，都幾影響一位又冇嘢霸位嘅客人。。。（地址：灣仔港灣道25號海港中心1樓105號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies