影片
【湾仔区】【Grove】呢间嘢听过好耐，有时经过某啲地方都会见到。而最近我啲学生无啦啦都有攞呢间餐厅做佢哋功课嘅一部份，又令我对呢度生出咗少少好奇心。喺会展站旁边嘅海港中心见到佢哋好似新开咗间喺度，揾晚就入咗去食吓。果然，啲嘢都几新净，应该真系新开。我叫咗 $128 嘅「珍宝全日早餐」，蛋我拣咗太阳蛋，仲有纽伦堡肠、烟肉、烤番茄、烤芦笋、焗薯角、烤BB甘笋、烟三文鱼、牛油果、水耕菜、多士，整体水准唔算好高，正常啦，系𠮶半只牛油果唔错。可能如果唔系炒蛋冇晒而被逼转太阳蛋，可能好啲。我另加 $18 要「是日餐汤伴蒜蓉包」个汤系番茄蘑菇汤，唔算浓，一般啦。再加 $10 饮热「鲜奶抹茶」，杯嘢反而又几好，顺滑易入口，抹茶味都出。埋单 $156，𠮶个位置又唔可以话好贵，我考虑嘅点反而系先买后坐嘅方法，都几影响一位又冇嘢霸位嘅客人。。。（地址：湾仔港湾道25号海港中心1楼105号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #湾仔 #会展 #grove #alldaybreakfast #珍宝全日早餐 #是日餐汤伴蒜蓉包 #番茄蘑菇汤 #鲜奶抹茶 #1am1742 #1ambackup
继续阅读
同朋友谂住中午去书展前喺附近食个午餐，咁啱经过见到餐牌价钱合理，入边都好多人食，就谂住试吓👍🏻👍🏻我哋两个人各自嗌咗一个餐同一杯嘢饮泰式冬阴功酱鲜茄蓝青口扁意粉 $73 ⭐️⭐️⭐️我选择咗嘅蓝青口扁意粉，青口份量多有差唔多12只👍🏻味道中规中矩👍🏻水波蛋芝士甘笋菠菜忌廉菠菜面 $73 ⭐️⭐️朋友选择咗嘅忌廉菠菜面，卖相一般，而味道亦都略为淡🧐野饮方面我哋一个叫咗latte 一个叫咗玫瑰绿茶Latte拉花不错，而玫瑰绿茶茶味尚可👍🏻🎉店舖环境卫生职员有礼貌🎉平日中午时间不需要排太耐队就可以入座总括而言，想喺湾仔地段用唔太贵嘅价钱食一个快西餐都可一试👍🏻
继续阅读
因为我6月14日去会展中心睇旅游展览，行过路过见到这间新店，就入去一试.刚巧见到系有下午茶，就叫个下午茶试下啦.枱上系有qrcode落单.我就用微信支付素描code.个男店员话.呢个唔系用微信的扫描.系用手机的素描qr code.好的.明白.照做.但系个职员慨语气已使我们感到有点怪！那就跟住方法去做qr code落order啦.按来按去.都按唔到.当我去到落饮品慨时候.见到系黑咖啡，我问位店员，黑咖啡.系唔系可以自己另外加奶加糖呀.个店员姨姨话.系呀.黑咖啡.如果你喜欢，咖啡送到来的时候.可以问他们取奶或糖.我见自己落单按来按去都落唔到单.走出去 counter找职员帮手落单啦.出到counter，我指住个menu话想要这个图的食物，指住个图四次.个店员都问我系唔系要个图所指示的number.因为我睇唔到个number.好细个字印在左手边.所以我就话就要这一个图的食物.指咗四次.系唔系睇唔到个number，讲唔到个number,只系指住个图.就落唔到单呢？再选第二个餐.选个焗饭.个店员话焗饭需时要15至20分钟."冇得吹单呀”,焗饭需时.系明白的.那我就问有边一个餐系唔使等得太耐呀.炸鸡髀会唔会好快的呀.个男职员已很不耐烦.我的餐全部即做.都算喇.就叫个焗饭啦！杯咖啡来到.仲搞笑.我问位姨姨.唔该杯咖啡畀的奶我呀.个姨姨问我要一份奶定两份奶呀.2杯咖啡.就要2份奶啦.跟住个姨姨还要去问其他职员.先至可以取到一小杯唔热的奶给我们.最激气的系，个男职员还说，“黑咖啡梗系冇奶啦.要加奶，就叫latte啦，畀多$10咋”！我由始至最终都冇人讲过畀我听原来有latte可以选择.讲到我好似唔想畀钱.又要求杯黑啡要再加奶.在外面.无论高级慨酒店，黑啡，都会另外加一杯奶在旁边另上，给客人自己选择落几多或者落唔落奶或糖.或者系普通的茶记，咖啡都会加上奶的.成件事，讲到系我多了要求，最后两杯咖啡.根本就要放弃没有饮.超难饮！至于食物，讲句公道话.食物慨味道系可以的.只系个男店员慨态度.有待改善.唔系因为我冇钱，先至在你们的cafe食下午茶.你的店系近会展中心附近.很多外来慨游客帮衬.完全影响香港人服务态度给游客的感觉.系极差！我自己就唔会再有下次喇！
继续阅读
好耐无写食评哩间要令我重拾电话打几只字.印象中对上一次食groove已是2019到处封路时在观塘急急吃难食得很从此生活充满变化失望有时就系见到香港人自我放弃嘅态度eg.做餐厅但比劣食客人做服务业但大大声讲是非、粗口、都唔好话有无礼貌…不能尽录.今次竟然有勇气再试就系大集团早餐app成日hang机近水流枱望下menu又有港式早餐试吓啦辣鸡胸罗丝粉 估唔到仲有两大块蛋虽是鸡胸但都几淋加埋番落浓汤仲有两片靓菜一d都唔hea❤️仲饱到食唔晒.最欣赏店员老老嫩嫩都好温馨有礼貌尤其一位长者auntie 早晨byebye都系真心….几耐无听过！最重要系咩….全部讲紧纯正广东话！.原来咁嘅服务态度喺香港已经绝种咁滞🥹嘢食咖啡又几好唔系唔支持？！.唔知佢地系franchise 定集团旗下同当年观塘比较真系差天共地👍
继续阅读
第一次帮衬，人唔多。本来埋counter落order，被告知要扫枱上qr code，ok无问题。落完单几分钟，有侍应放刀叉，以为就快有野食。点知过左15至20分钟，食物未见。同侍应收银你眼望我眼，冇人问过我地任何野。老公再扫qr code，见唔到order，我问侍应，佢话「咩嘢？」，先知要线上比埋钱先叫完成侍款！我地马上起身走人。侍应就话我可以去counter order同比钱！要记得：我啱啱入去个阵就系想系counter order同比钱㗎！母亲节一肚气，不会再试。
继续阅读