Grove

【湾仔区】【Grove】呢间嘢听过好耐，有时经过某啲地方都会见到。而最近我啲学生无啦啦都有攞呢间餐厅做佢哋功课嘅一部份，又令我对呢度生出咗少少好奇心。喺会展站旁边嘅海港中心见到佢哋好似新开咗间喺度，揾晚就入咗去食吓。果然，啲嘢都几新净，应该真系新开。我叫咗 $128 嘅「珍宝全日早餐」，蛋我拣咗太阳蛋，仲有纽伦堡肠、烟肉、烤番茄、烤芦笋、焗薯角、烤BB甘笋、烟三文鱼、牛油果、水耕菜、多士，整体水准唔算好高，正常啦，系𠮶半只牛油果唔错。可能如果唔系炒蛋冇晒而被逼转太阳蛋，可能好啲。我另加 $18 要「是日餐汤伴蒜蓉包」个汤系番茄蘑菇汤，唔算浓，一般啦。再加 $10 饮热「鲜奶抹茶」，杯嘢反而又几好，顺滑易入口，抹茶味都出。埋单 $156，𠮶个位置又唔可以话好贵，我考虑嘅点反而系先买后坐嘅方法，都几影响一位又冇嘢霸位嘅客人。。。（地址：湾仔港湾道25号海港中心1楼105号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #湾仔 #会展 #grove #alldaybreakfast #珍宝全日早餐 #是日餐汤伴蒜蓉包 #番茄蘑菇汤 #鲜奶抹茶 #1am1742 #1ambackup…查看更多

系会展工作，午饭时间睇下有咩食，行过见到呢间café同其他分店既装修好似有D唔同, 见装修咁别致都会幻想下佢既食物可能会比其他分店好。餐厅环境行到入去先知,原来唔搭枱的话选择少之又少,2 人用餐只能坐系玻璃边，不过当日天气唔错，可以有个靓景望下都醒神D食物质素唔好期望太多了，同其他分店质素差不多已经叫左一个好安全的蕃茄意粉, 卖相是OK 的唔算难食，只能叫裹腹，lunchset 又包杯野饮, 系会展附件黎讲呢个价钱算几抵食饱之后就快快工作了…查看更多

夜晚去演艺睇话剧，因为早食饭，又唔想太迟入场，所以就过咗嚟海旁揾嘢食。成日以为呢间食包，但系原来都有几多选择。本身想食羊仔柳，但系朋友话唔系好肚饿，所以净系嗌咗一个餐再加个汤同埋番薯条share嚟食。拣番薯条好似比薯条健康啲，轻甜又唔会太干。既然朋友唔肚饿就放弃咗羊仔柳，就叫咗个猪颈肉冬阴功意大利饭，饭粒硬度适中，喺依啲咁热嘅天气食啲少少香辣嘅嘢几开胃，个猪颈肉都焦香味十足，实在系意想不到。同埋呢个份量轻食就刚刚好。虽然系扫QR code落单，但系职员由入店到离开，安排座位，送餐都相当有礼貌。…查看更多

梗系要写返篇食评啦，真系好耐冇动笔。今次要特别多谢 Grove 嘅员工，喺今日咁恶劣嘅天气下，仲要开门为客人准备食物，真系值得一赞。今朝一出门口就见到天色灰沉沉，原来已经挂咗黑色暴雨警告 signal。本来打算返公司，但见到咁嘅天气，心谂不如奖励下自己，于是就喺附近揾间餐厅食个靓早餐。行过 Grove 门口，见到佢个玻璃屋设计好有格调，自然就被吸引住，行咗入去。一入到去就觉得环境好舒服，光线充足、空间感十足，仲有啲绿色植物点缀，气氛好 chill。今次叫咗个丰富早餐拼盘，包括香脆煎蛋、肉味浓郁嘅纽伦堡肠、咸香烟肉、烤到微焦嘅番茄、外脆内软嘅焗薯角，仲有清新爽口嘅水耕菜、甜甜地嘅烤 BB 甘笋，同埋啖啖鲜味嘅烤白蘑菇，配埋香脆多士，真系一流。食物质素高，摆盘又靓，食完个人都精神晒。虽然外面落住大雨，但喺 Grove 入面就好似置身另一个世界，咁温暖、咁舒服。多谢 Grove 嘅团队，令我喺暴雨中都可以有个咁美好嘅早上。下次一定会再嚟！…查看更多

同朋友谂住中午去书展前喺附近食个午餐，咁啱经过见到餐牌价钱合理，入边都好多人食，就谂住试吓👍🏻👍🏻我哋两个人各自嗌咗一个餐同一杯嘢饮泰式冬阴功酱鲜茄蓝青口扁意粉 $73 ⭐️⭐️⭐️我选择咗嘅蓝青口扁意粉，青口份量多有差唔多12只👍🏻味道中规中矩👍🏻水波蛋芝士甘笋菠菜忌廉菠菜面 $73 ⭐️⭐️朋友选择咗嘅忌廉菠菜面，卖相一般，而味道亦都略为淡🧐野饮方面我哋一个叫咗latte 一个叫咗玫瑰绿茶Latte拉花不错，而玫瑰绿茶茶味尚可👍🏻🎉店舖环境卫生职员有礼貌🎉平日中午时间不需要排太耐队就可以入座总括而言，想喺湾仔地段用唔太贵嘅价钱食一个快西餐都可一试👍🏻…查看更多