616客香邨

营业中

休息中

【沙田區】【616客香邨】同啲中學同學聚會，作為阿叔，已經唔再熱衷於咩日本嘢、泰國嘢，飲個夜茶吹吓水仲好。我哋一行四人就先收共 $24 嘅「茶芥」，飲壽眉，我揀嘅。不過其實得我同另一位肚餓，其餘兩位都係食咗啲嘢先嚟，陪我哋食吓嘅啫，所以都唔需要叫太多嘢食。各 $33 嘅「四寶滑雞扎」、「足料糯米雞」同「斗門蝦餃」都非常普通，甚至感覺差過唐記包點，真係好一般。之後各 $28 嘅「雞絲粉卷」同「香滑鮮蝦腸粉」都係，我唔覺得難食但係絕對稱唔上好食。本身中式點心都係我中意食嘅嘢，但呢間就麻麻哋。叫埋各 $25 嘅「南翔小籠包」、「流沙奶皇包」同「豉汁蒸鳳爪」都冇改善，鳳爪仲要偏鹹。最後係 $29 嘅小「白灼時蔬」，揀咗白菜仔少油少鹽，呢碟反而最好，簡單灼個菜仲好食。加埋一 $311 冇乜感覺，自從冇咗裕富夜茶之後，係池中無魚蝦自大嘅。。。（地址：沙田大圍積存街36號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tas