樂天皇朝 (利舞臺廣場)

新加坡過江龍「樂天皇朝」一直以創意滬菜同粵菜吸引食客，最出名當然係佢哋嘅八色小籠包！餐廳環境光猛闊落，仲設有開放式廚房，可以一路食一路望住師傅手勢，夠晒安心又好玩～

🥟 原味小籠包
小籠包皮薄餡靚多汁

🍜 菜肉雲吞豬骨湯拉麵
雲吞飽滿，豬肉同菜比例剛好；湯底濃白唔油膩，拉麵爽滑掛湯，冬天飲一啖暖入心！

🐮 陳皮五香牛肉
牛肉切得薄身，滷得入味，淡淡陳皮香氣平衡咗滷水嘅濃味，作為前菜好開胃。

🥔 香煎薯仔豬肉軟餅
外層煎得微脆，入面薯仔蓉軟綿綿，夾雜豬肉碎，簡單但惹味，點少少醋食更提鮮～

🍨 高力豆沙
即炸熱辣辣，外層鬆軟如雲朵，豆沙餡綿密唔死甜，為成餐畫上完美句號！