但係今日係星期六，真係無乜坐得舒服嘅餐廳有下午茶餐。
就係依個時候，我地經過茶木啦，發現居然有下午茶餐，仲要有好多選擇，而且價格相宜。
我地三個人入去，侍應好好咁安排我地左六人嘅大卡位，坐得好舒服，第一印象已經加分！
由於今日無食lunch，所以我地今次叫左台式雞蛋肉鬆起司捲餅、冬菇貢丸新竹米粉，同埋招牌菜紅燒牛肉麵。
1
首先講下台式牛肉麵，一上菜嘅時候已經俾佢啲芫茜吸引住啦。真係滿滿嘅芫茜，滿滿嘅愛！
個麵底係用左幼身嘅麵，掛湯得黎有不失咬口。最重要係下午茶時間，午餐份量，絕無欺場！
至於冬菇貢丸新竹米粉，由於親戚已經急不及待已經食緊嘅關係，所以就無影到。不過個貢丸係幾彈口幾juicy嘅。
依個台式雞蛋肉鬆起司捲餅裡面捲住嘅係邪惡！！滿滿嘅肉鬆、滿滿嘅沙律醬，點會唔好食呢？
正所謂要吹水，首先要有野飲（我，2018）。依家就等我講下啲野飲啦！
每一份下午茶餐都附送一杯特定野飲，但係選擇唔多，於是我地就加7蚊轉menu上面嘅其他野飲。
首先係黑糖枸杞牛蒡茶。雖然話有黑糖，但係其實唔會太甜，牛蒡味都幾出，鐘意藥材味嘅人應該會鍾意。
然後係桂圓紅棗茶。相比之下，依個茶比較甜，係好典型嘅味道，好滋潤。
至於另外一杯熱黑糖珍珠奶茶（走甜），由於無咩特別，所以就唔影啦。
就係咁，一個愉快舒服嘅下晝就過左啦～
